Մրցանակաբաշխությանը կարող են մասնակցել բոլոր այն ուսանողները, ովքեր առնվազն 2 կիսամյակ հանդիսացել են քոլեջի ուսանող, վերջին մեկ կիսամյաի ընթացքում ունեցել են բարձր կամ գերազանց առաջադիմություն, ինչպես նաև ունեն սույն ստորև նշված ձեռքբերումները: Մրցանակաբաշխությանը մասնակցելու (որպես թեկնածու առաջադրվելու) համար ուսանողը պետք է ներկայացնի համապատասխան հայտ և անհրաժեշտ կից փաստաթղթերը:

Թեկնածուների առաջադրումն իրականացվում է համապատասխան հայտերի միջոցով` թղթային ձևաչափով (հայտի ձևը կարող են վերցնել ուսումնական մասից), որը ներկայացվում է քոլեջի ուսումնական մաս: Հայտերի ներկայացման վերջնաժամկետը համարվում է մայիսի 21-ը ներառյալ։

«Վարդենիսի բժշկա-հումանիտար քոլեջի լավագույն ուսանող» մրցանակակիր որոշելու համար դիտարկվում են ուսանողի հետևյալ ձեռքբերումները.

առաջադիմություն,

ներգրավվածություն հետազոտական(ռեֆերակտիվ) աշխատանքներում,

մասնակցություն ներքոլեջային կյանքին,

քոլեջից դուրս ակտիվություն` մշակույթի, սպորտի, արվեստի և այլ ոլորտներում հաջողություններ:

Մրցանակաբաշխության մասնակիցն հայտին կից կարող են ներկայացվել հետևյալ փաստաթղթերը.

պրոֆեսորադասախոսական կազմի ներկայացուցիչների բնութագիր (առավելագույնը երկու բնութագիր),

ուսանողական խորհրդի նախագահի բնութագիր,

տպագրված հետազոտական(ռեֆերատիվ) աշխատանքների պատճենները կամ դրանք հավաստող այլ փաստաթղթեր (եթե այդպիսիք կան),

քոլեջից դուրս ակտիվությունը հավաստող փաստաթղթեր (եթե այդպիսիք կան),

այլ փաստաթղթեր և նյութեր, որոնք լավագույնս կներկայացնեն մրցանակաբաշխությանը մասնակից ուսանողի ձեռքբերումները:

Ներկայացված բնութագրերը և այլ փաստաթղթերը պետք է հստակ և հնարավորինս մանրամասն ներկայացնեն ուսանողի ձեռքբերումները:

#ՎԲՀՔ #MHCV #Տարվա_լավագույն_ուսանող #Մրցանակաբաշխություն #N1