Մրցույթի պայմաններն ու կանոններն են

Փետրվարի 16-ից 18-ը ներառյալ, Քոլեջի ֆեյսբուքյան էջում (https://www.facebook.com/VARDENISIBHQ?mibextid=2JQ9oc) կհրապարակվեն Հովհաննես Թումանյանի, Եղիշե Չարենցի, Վահան Տերյանի, Ավետիք Իսահակյանի կենսագրությանը, ստեղծագործական կյանքին և նրանց անցած ուղուն վերաբերող տարաբնույթ հարցեր։

Հաղթողները ընտրվելու են 3 անվանակարգերում՝

«Ամենագետ երիտասարդ»,

«Ամենաստեղծագործ երիտասարդ»,

«Ամենաինքնատիպ ասմունքող երիտասարդ»։

«Ամենագետ երիտասարդ» անվանակարգում հաղթող է ճանաչվելու այն երիտասարդը, որն առաջինը մեկնաբանությունների հատվածում կտեղադրի հրապարակվող հարցերի ճիշտ պատասխանները։

«Ամենաստեղծագործ երիտասարդ» անվանակարգում հաղթող է ճանաչվելու այն երիտասարդը, ով այս հրապարակման «մեկնաբանություն» բաժնում կներկայացնի(կհրապարակի) շարադրություն «Գրականության կախարդանքը» թեմայով, որը պետք է բաղկացած լինի ոչ պակաս քան 50 բառը, և ոչ ավել քան 100 բառը։

Հաղթող է ճանաչվելու այն մասնակիցը, ում ներկայացրած շարադրությունը կունենա եզակի մոտեցում, հետաքրքիր և ոգեշնչող մտքեր և կստանա ամենաշատ հավանումները։

«Ամենաինքնատիպ ասմունքող երիտասարդ» անվանակարգում հաղթող է ճանաչվելու այն երիտասարդը, ով կընտրի Հովհաննես Թումանյանի, Եղիշե Չարենցի, Վահան Տերյանի, Ավետիք Իսահակյանի ստեղծագործություններից որևէ մեկը, ապա կասմունքի և կկազմի առնվազն 1 րոպե րոպե տևողությամբ տեսանյութ, որը պետք է տեղադրի անձնական էջում և նշի քոլեջին։ Այն պետք է լինի հստակ խոսքով և պարզ, նաև երևա ասմունքողի դեմքը։

Պատասխանները պետք է գրել հայատառ,

արդեն իսկ հրապարակված տարբերակը ենթակա չէ խմբագրման, լրացման, փոփոխման,

հրապարակված պատասխանում պետք է գրել նաև անուն, ազգանուն, քաղաք/գյուղ, ուսումնական հաստատություն, մասնագիտություն,

նշված կանոններին ու պայմաններին չհամապատասխանող պատասխանները չեն դիտարկվելու:

Մրցույթի արդյունքները կամփոփվեն բանաստեղծի ծննդյան օրը՝ փետրվարի 19-ին: Հավելում. «Ամենաստեղծագործ երիտասարդ» և «Ամենաինքնատիպ ասմունքող երիտասարդ» անվանակարգերի արդյունքները կամփոփվեն գրականագետների կողմից։ Հաղթողները կպարգևատրվեն ՎԲՀՔ խրախուսական պատվոգրերով և նվերներով: