Մեծ հպարտությամբ հայտնում ենք, որ ՎԲՀՔ-ի «Սպասարկման կազմակերպում» մասնագիտության առաջին ուսանողները հաջողությամբ ավարտեցին իրենց ուսումնառությունը։

Ավարտական փուլում ուսանողները հանդես եկան իրավիճակային հարցերի մասնագիտական վերլուծությամբ, ինչպես նաև ներկայացրեցին իրենց նախագծային աշխատանքները, որոնք ամբողջացնում էին նրանց ուսումնառության ընթացքում ստացած գիտելիքներն ու հմտությունները։

Շրջանավարտների այս խումբը քոլեջի պատմության մեջ առաջինն է տվյալ մասնագիտությամբ, և նրանց հաջողությունը պարտավորեցնող և ներշնչող նախադեպ է մեզ համար։ Նրանց ներկայությունը հատկապես արժեքավոր է Վարդենիս համայնքի համար, որտեղ սպասարկման ոլորտը ունի զարգացման և որակի բարձրացման մեծ ներուժ։

Սիրով սպասում ենք դիպլոմների հանձնման հանդիսավոր արարողությանը, որը կդառնա ոչ միայն կրթական ճանապարհի հանգրվան, այլ նաև նոր փուլ՝ լի հնարավորություններով ու առաջընթացով։