Նիստի ժամանակ քննարկվեցին՝

դիմորդների ընդունելության դրական արդյունքների մասին,

նոր ուսումնական տարվա իրականացվելիք աշխատանքների և հիմնախնդիրների մասին,

2023-2024 ուսումնական տարվա մասնագիտական կրթական ծրագրերի վերանայման և հաստատման մասին,

ՈԱԱ կենտրոնի կողմից իրականացվող փորձագիտական այցի մասին և այլն։

Օրակարգային ելույթներով հանդես եկան քոլեջի փոխտնօրեն՝ Վ.Գասպարյանը, ԸՀ պատասխանատու քարտուղար՝ Մ.Հակոբյանը, ՈԱ պատասխանատու՝ Ա.Սուքոյանը։

Քոլեջի փոխտնօրեն՝ Վ.Գասպարյանը իր ելութում նախ շնորհավորեց ներկաներին, նոր ուսումնական տարվա կապակցությամբ և նշեց, որ 2023-2024 ուսումնական տարում քոլեջը ընդունել է թվով 53 դիմորդ, որոնցից 21-ը հիմնական կրթությամբ։ Նա նշեց, որ 2020թ.-ից շարունակ քոլեջը տարեց տարի գրանցում է ընդունելության դրական ցուցանիշներ։

Վ.Գասպարյանը շարունակելով ելույթը խոսեց նաև նոր ուսումնական տարվան ընդառաջ իրականացվող աշխատանքների մասին, կարևոր համարելով նաև քոլեջում իրականացվող բարեկարգման աշխատանքները, որի արդյունքում նոր ուսումնական տարվանից քոլեջում կգործեն թվով 2 նոր SMART լսարաններ, համալրված ժամանակակից սարքավորումներով։

ՈԱ պատասխանատու՝ Ա.Սուքոյանը իր ելույթում ներկայացրեց անցած ուսումնական տարվա ընթացքում իրականացված աշխատանքների մասին, որոնց արդյունքում վերհանված խնդիրները ներկայացվեց համապատասխան ստորաբաժանումներին առաջիկա աշխատանքներ դիտարկելու նպատակով։