Քոլեջի հետ սերտ համագործակցության արդյունքում դեկտեմբերի 24-ին «Մարզային նախաձեռնությունների և զարգացման ծրագրերի կենտրոն» ՀԿ-ի կողմից քոլեջում իրականացվեց «Կանաչ տեխնոլոգիաների շրջիկ էքսպո»։
Այս եզակի իրազեկման նախաձեռնության նպատակն էր բարձրացնել բնակչության գիտելիքները էներգաարդյունավետության և վերականգնվող էներգիայի մասին, ինչպես նաև խթանել կանաչ տեխնոլոգիաների կիրառումը տեղական համայնքներում։ Նախապես պատրաստվել էին պաստառներ և բուկլետներ, որոնք ներառում էին արևային ֆոտովոլտային համակարգերի և ջրատաքացուցիչների տեղադրման աշխատանքներ իրականացնող կազմակերպությունների, ինչպես նաև ջերմամեկուսացման նյութերի մատակարարների մասին տեղեկատվություն։ Էքսպոի գործնական մասում երիտասարդները պատրաստեցին արևային վահանակների, ջրատաքացուցիչներ, հողմակայանների մոդելներ և դրանց վրա մասնակցներին ներկայացրեցին կայուն էներգետիկ լուծումների կարևորւթյունը։ Մասնակցեցին քոլեջի ուսանողներ, դասախոսներ։ Ձևավորված տեղեկատվական անկյունները՝ համապատասխան նյութերով, կշարունակի տեղեկայված մնալ քոլեջում։«Կանաչ տեխնոլոգիաների շրջիկ էքսպո»-ն ևս մեկ քայլ է դեպի կայուն ապագա և էներգաարդյունավետ համայնքների ձևավորում Գեղարքունիքի մարզում։ Այս նախաձեռնությունն իրականացվում է «Էներգախնայողության աջակցման հիմնադրամ» ՀԿ կողմից իրականացվող «Փոքր մասշտաբի վերականգնվող էներգիայի և էներգիաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում միջոցառում» ծրագրի շրջանակում։ Ծրագիրն իրականացվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) ֆինանսական աջակցությամբ իրականացվող «ԵՄ-ն հանուն Հայաստանի համայնքներում էներգաարդյունավետության և վերականգնվող էներգիայի» ծրագիր շրջանակներում, որն իրականացվում է, Գերմանական միջազգային համագործակցության ընկերության (ԳՄՀԸ) կողմից՝ որպես «ԷԿՈսերվ» ծրագրի մաս:
